وائل الابراشى يعمل كدة؟

الصوره دى كانت متصدرة مجلة الوعى المصرى الالكترونيه لصاحبها وائل عباس العدد الاخيراللى حصل ان صاحبة الصورة اسمها رشا صاحبة مدونة( أى حاجة)بتقول الكلام دة (صحيت النهاردة على تليفون بيقوللي صورتك نازلة في الجرنال المشبوه (صوت اﻷمة) بتاع وائل الإبراشىو
أبراهيم عيسى فى موضوع عن التحرش الجنسي ومكتوب مانشيتات غريبة!اصطبحنا واصطبح الملك لله..خرجت واشتريت الجرنال الزبالة ده ..المهم لقيت صورتي اللي موجودة في الوعي المصري لما كنت في الوقفة اﻹحتجاجية بتاعت النقابة وكنت بعيط بعد ما اتقبض على مالك ، واليوم ده تحديدا مكنش فيه أمن من اﻷصل .
اتغظت جدا من الصورة اللي سرقوها وحطوا على عيني شريط أسود زى ما أكون متهمة في قضية اداب ، والمانشيت الهباب اللي مألفينه"فتاة جامعية بكت اثناء الإدﻻء بشهادتها..ماحدث شىء مقرف أحد الشباب لمس أعضاء حساسة في جسدي" ... بجد (على رأى أبو الليل يا أخي ...)
واﻷستاذ الصحفي اللي كاتب الموضوع (أسامة خالد)
الشىء المقرف بجد هو الجرنال الزبالة ده والصحفيين اللي مهماش صحفيين لكن مفبركين مع مرتبة القرف.
المهم كلمت وائل الإبراشي ..قعد يعتذر ويقول ده تقصير و كسل مهني وأنا هنزل تكذيب اﻷسبوع الجاي ومتكبريش الموضوع ، وده خطأ واحنا اسفين ووووووووووووووو
المهم اني قررت اكتب اللي حصل ده علشان الصحافة الصفرا والصحفيين النص كم دول يحترموا نفسهم ويخلوا عندهم شوية دم ويبطلوا استهبال وفبركة و... تااااااااااااني)كان هذا ما قالته رشا

أنا بصراحه مش عارفه أقول ا يه بس أنا لا أعرف عن الأستاذ وائل الابراشى الكثير وكل ما أعرفه يندرج تحت اسم برنامج الحقيقه الذى يقدمه على قناة دريم وأنا أشعر بصدمه هائلة وكنت أتمنى أن يرد على هذا الاتهام وبالتأكيد هو لن يقرأ هذه المدونة المبتدئه أنا صراحةً لم أكون أى رأى يخص هذا الموضوع لعدم علمى برأى أستاذ وائل عنه وكل ما أتمناه هو الرد العاجل