كل يوم أقول هاكتب خلاص....بس ألاقيها تقولى هاتكتبى ايه؟ مبقاش فى حاجه متكتبش عنها وبعدين أسمع كلامها وأسكت بس ألاقينى بجمع الكلام فى دماغى تقولى انتى فاشله أساساًً لو كتبتى انهارده هتيجى بكره وهتبطلى وبعدين تدورى على حاجه جديده تعمليها بس بجد خلاص مفيش حل تانى غير التدوين يا اما نطق نموت بقى
هو اللى بيحصل ده ,بلاش أقول يرضى حد؟لان ده بقى بيرضى حدود كتير।
اهدار 48
مليون جنيه لتطوير الفنادق فى المحروسه اللى محروسه بس من الأجانب لكن يارب عايزينك دالوقتى تحرسها من المصريين اللى نهبوها
اعدام 17طن قمح مسرطن
,صحيح محدش يعرف فين فلوس الخصخصه بتاعت الميزانيه اللى فاتت عشان مسمعتش عنها خالص
فى فرع رشيد كان فى170 طالب بيتفسحوا كانوا على وشك الغرق تم انقاذهم بعدها بساعه
أقول كمان أقول تزوير انتخابات ,دستور بظرميت,ولا أقول عن التوريث وعصر الملكيه اللى هنعيشه,بلاش بلاش تعلاوا نتكلم عنالتعليم الجميل اللى بنتعلمه اللى لما كل واحد فينا لما يخلص تعليم هيلاقى وظيفه تحترم أدميته ,لأ ياجماعه تعالوا نكلم عن بتوع الأمن المركزى اللى لو كان نصف اللى موجودين فى ميدان التحرير يوم الاسفتاء كانا وجودين فى الحرب اللى احنا مش بنردى نقول عليها هزيمه وبنقول نكسه أكيد كنا هنسميه حاجه تانيه
لأ خلاص أنا مش هتكلم كده تانى عن مصر هو أنا لازم أكون معارضه متخليينى زى بتوع الأهرام والجمهوريه شايفيين الدنيا علطول بمبى أموت وأعرف الناس دى بتبص لنفسها ازاى أنا أعرف ان اللى بيكتب بيكتب بس عشان يصرخ من غير صوت لكن مشفتش واحد بيشتغل كداب جديده دى المفروض فى البطاقه يكتب المهنه كداب وعد انى هحاول أنظر للجزء المليان من الكوب
Subscribe to:
Post Comments (Atom)
No comments:
Post a Comment